ЭлТР давлат телеканалининг ПолитКлиника мустақил нашрига қарши даъвоси 25 сентябрь куни Бишкекнинг Первомайск туман судида кўриб чиқилди ва қисман қондирилди, дея хабар беради Политклиника.
Суд ПолитКлиника нашрининг журналисти Тинистан Асипбекка ЭлТР сюжети ҳақидаги иддаоларни рад этишга мажбурлаб, ЭлТР телеканалининг даъвосини қисман қаноатлантирган. Даъвогарнинг бошқа талаблари қаноатлантирилмаган.
ПолитКлиника вакиллари апелляция беришни суд қарори олинганидан кейин ўйлаб кўришини таъкидлаган.
Давлат телеканалининг норозилигига 4 февраль куни ижтимоий тармоқларда тарқалган «Садир Жапаров энергетика соҳаси учун кредит олмагани ҳақидаги ЭлТРнинг баёноти ёлғондир” деган Политклиниканинг таҳлил видеоси сабаб бўлган.
ЭлТР нафақат раддия беришни, балки жавобгардан 10 миллион сом ундирилишини талаб қилган.
Ўз навбатида, ПолитКлиника веб-сайти асосчиси ва бош муҳаррири Дилбар Алимова Озодлик радиосига берган интервьюсида нашр фақат текширилган маълумотларни чоп этишини айтди. Унинг сўзларига кўра, ПолитКлиника материалидаги маълумотлар очиқ манбалардан олинган.
«ПолитКлиника» мустақил нашр бўлиб, таҳлил ва журналистик суриштирувларга ихтисослашади.
